AJILETE vs OLUYOLE, WHO GO CARRY AM?

Ahhh…
Customer Dadani Crown FC, the team wey survive relegation for NNL through fasting and prayer ministry don show again!

Now dem don find themselves face-to-face with Shooting Stars, as both sides go clash for the Oyo State FA Cup final… (and if you ask fans, this fixture don happen like 1433 times already)

ROAD TO FINAL

OMO WEYREY BUSINESS AS USUAL

3SC, the Egbon adugbo, secure their Nigeria Federation Cup ticket after handling their own academy side “New Taker” with a slim 1-0 win some people talk say na “arumoje goal” but goal na goal.

Goal courtesy of Alade Balogun Idan, no too much noise, just job done.

Senior men remind the academy boys say: “Respect your elders first before anything.” Even though the Academy boys dey ball oh, chai

AJILETE WARRIORS NO COME PLAY

On their own side, Crown FC, under Osho Fatai, no dull at all. Dem knock out Ibadan United 2-0: Former 3SC boy, Odeyemi Ebenezer, open scoring (you sabi say ex-player dey always get something to prove) and Rilwan Sodiq seal am from the spot

Now dem don secure their own Federation Cup slot and dey eye this trophy like say na gold medal.

FINAL SHOWDOWN

So na this Sunday:

Oluyole Warriors vs Ajilete Warriors
Ibadan vs Ogbomoso
Big brother vs stubborn younger one

E go sup… no be small.

Crown go bring their prayer, discipline, and small stubbornness.
3SC go bring experience, depth, and that “we don see this thing before” confidence.