IBADAN CROWD, NO GOALS… HOW FAR?

E don happen.

After all the noise, ginger, and full house for Lekan Salami…
na goalless draw we see.

Omo… football fit humble person sha.

FIRST HALF: WHERE THE FIRE DEY?

3SC come out like say dem never too send the match.

No real urgency, no sharpness upfront.
Just 2 shots on target, both handled comfortably by Kwara United goalkeeper.

For match wey suppose hot from kickoff…
first half just dey like Sunday afternoon nap

SMALL POSITIVE… MAKE WE TALK TRUTH

One thing we go give the boys, set-piece defending don improve.

After conceding 17 goals from set pieces this season, at least yesterday we no allow that same story repeat itself.

Small win… but we still need more.

STANDOUT PERFORMERS

Stephen Amos?
Take your flowers bro.

The guy run the midfield with confidence, interceptions, link-up play, composure… showing real growth and why him shirt no dey up for debate again.

Tijani Al-ameen sef show class.
That late effort for added time?
If no be sharp save, story for different.

KWARA UNITED – DEM NO COME JOKE

Make we no lie, Kwara United came prepared.

Dem no just park bus… dem arrange themselves well tactically.
• Compact shape
• Quick recovery when dem lose ball
• Numbers always behind the ball

Midfield general Akanni Akeem and captain Kabiru Muhammed really hold things down, while their fullbacks no give us breathing space.

You go even think say dem be the home team at some point

And truth be told, that one point fit help them small for relegation battle.

FINAL WORD (PAIN + BANTER)

So after all the:
• “Ibadan no be anybody mate”
• “Come chop, come asalatu”
• “We go scatter them”

Na 0-0 we use greet ourselves.

E pain. No lie.

Because this na the kind match wey suppose push us closer to top 3…
but we just press pause ourselves.

Ewooo… ewooo…
This one go pain reach Wednesday before body go calm down.

“Ya nuru yaaa wetin?”

But no wahala…
we move. Up Shooting. Always